Трамптың Флоридадағы резиденциясын робот ит күзетіп жүр
АҚШ-тың жаңа сайланған президенті Дональд Трамптың Мар-а-Лагодағы резиденциясының төңірегін робот ит күзетуге кірісті. Бұл туралы жергілікті NBC атты телекомпанияның аумақтық бөлімі хабар таратты.
Арнаның мәліметінше, Трамп сайлауда жеңген соң, Трамптың тұратын үйде қауіпсіздік шаралары барынша күшейтілген. Жағалау күзетінің қарулы катерлері де кезекшілік атқаратын болған.
Жарияланған кадрда бронды жилет киген адамдары бар катер көрінеді. Оның тұмсығына пулемет орнатылған. Америкалық Boston Dynamics компаниясы жасап шығарған Spot роботтарына ұқсас робот ит жағалауды күзетіп жүргені көрінеді.
Америкалық ақпарат құралының хабарлауынша, АҚШ-та қауіпсіздікті қамтамасыз ету міндеттерін орындау кезінде құқық қорғау органдары робот иттерді жиі қолданып жүр.
Айта кететін жайт, Дональд Трампқа сайлау науқаны кезінде қастандық жасалды. Мергеннің бастан көздеп атқан оғы мүлт кетіп, құлағын жарақаттаған еді. Қастандық жасаушы құпия қызмет жауынгерлерінің қолынан қайтыс болды. Бұдан кейінде оған қастандық жасауға әрекеттенгендер болды.
Мұның алдында Трамптың Ресей мен Украина арасындағы соғысты қалай тоқтатуы мүмкін екені жайында жазғанбыз.
