2024 жыл метеорологтар бақылауды бастаған кезден бері тарихтағы ең ыстық жыл болуы мүмкін. Бұл туралы БҰҰ-ның Бакудегі климат жөніндегі конференциясының ашылуында ұсынылған Дүниежүзілік метеорологиялық ұйымның (ДМҰ) жаңа баяндамасында жазғылған.
БҰҰ жаңалықтарына сәйкес, ДМҰ пайдаланатын алты халықаралық деректер жиынтығын талдауға сәйкес, 2024 жылдың қаңтарынан қыркүйегіне дейінгі жаһандық жер бетіндегі орташа температура 1,54°C жоғары болды.
2024 жылғы орташа жаһандық температура тіпті 2023 жылғы ең жылы температурадан асып кетуі мүмкін. ДМҰ мәліметтері бойынша, 16 ай қатарынан (2023 жылдың маусымынан 2024 жылдың қыркүйегіне дейін) орташа жаһандық температура 2023 жылға дейін тіркелген барлық көрсеткіштерден асып түскен.
«Климаттық өзгеріс халықтың денсаулығына әсер етіп, экономикалық теңсіздікті арттырып, тұрақты дамуға зиян келтіреді және әлемнің тыныштығын бұзады. Халықтың осал топтары ең көп зардап шегеді», – деді БҰҰ бас хатшысы Антонио Гутерриш.
ДМҰ басшысы Селесте Сауло халықаралық қауымдастық Париж келісімінің жер бетіндегі орташа температураның ұзақ мерзімді көтерілуін индустрияға дейінгі деңгеймен салыстырғанда 2°C-тан айтарлықтай төмен ұстау және жаһандық жылынуды 1,5°c шегінде ұстау бойынша мақсатқа жете алмағанын айтты.
«Рекордтық жауын-шашын мен су тасқыны, қарқынды дамып келе жатқан тропикалық циклондар, өлімге әкелетін ыстық, үздіксіз құрғақшылық және биыл әлемнің әртүрлі бөліктерінде байқаған табиғи өрттер ғаламдық болашаққа қауіп төндіреді», – деді Селесте Сауло.
Ол әртүрлі газдардың бөлінуін шұғыл түрде азайту және климаттың өзгеруін бақылау мен түсіну қажет екенін атап өтті.
