Қазақстанда 2025 жылдан бастап декларация тапсыруға кімдер міндеттеледі?
Активтер мен міндеттемелер туралы декларация тапсырудан нақты кімдер босатылады? Сондай-ақ кірістер мен мүліктер туралы декларацияны қандай санаттағы тұлғаларға тапсыру міндеттеледі? Бұл сұрақтарға Мемлекеттік кірістер комитетінің жеке тұлғалардың кірістерін әкімшілеу басқармасының бас сарапшысы Ерсайын Көптілеуұлы жауап берді.
«Шетелде жылжымайтын мүлкі және көлігі, шетелдік банктердегі банктік есепшоттарда 3,7 млн теңгеден (1 000 АЕК) астам ақша қаражаттары болмаса, инвестициялық алтындары болмаса, шетелдік компанияға қатысу бойынша үлесі болмаса, тұрғын үй құрылысына қатысу үлесі, цифрлық активтері, дебиторлық/кредиторлық берешегі, сонымен қатар шетелде құны 1 000 АЕК-тен асатын бұйымы болмаған жағдайда олар 250 салық есептілігі нысанын тапсырудан босатылады. Яғни, шетелде мүлктері болмаса декларация тапсыру міндеті туындамайды», – деді Ерсайын Көптілеуұлы.
Кірістер мен мүліктер туралы декларацияны (270-СЕН) осы уақытқа дейін тапсырып келген санат алдағы уақытта да міндетті болып қала береді. Комитет өкілі жыл сайынғы 270 салық есептік нысаны барын да еске салды. Бұл есептік нысандағы декларацияны мемлекеттік қызметкерлер мен оның жұбайлары жыл сайын тапсыратын болады. Сондай-ақ банктердің, бағалы қағаздар нарығының, сақтандыру ұйымдарының ірі қатысушылары болатын жеке тұлғалар декларацияны жыл сайын тапсырады. Комерциялық ұйымдардың басшылары, құрылтайшылардың акция үлесі 25%-дан асатын болса, оларда аталған декларацияны жыл сайын тапсыруы тиіс. Бұданбөлек,
«Егер шетелдегі банк есепшоттарында 1000 АЕК көлеімнде қаражат болса және ең бастысы ҚР-да болмаса шетелде өзіндік құны 20 000 АЕК асатын сатып алу жасалса, оларға 270 нысанын тапсыру міндеті туындайды»,- деді комитеттің бас сарапшысы.
Айта кетейік, Қаржы министрі Мәди Такиев 2025 жылы 8 миллион қазақстандық кірістері мен мүлкін міндетті декларациялаудан босатылатынын мәлімдеген болатын. Бұл ұсынысты премьер-министр Олжас Бектенов те қолдады.
