Әуе индустриясының алыптары: бренд құндылығы, табыс және болашақ бағыттар
Ең ірі ұшақ жасаушылар
АҚШ аэроғарыштық сектордағы қуатты орталық болып отыр. Үздік 10 компанияның алтауы Америкада орналасқан.
Honeywell-тен басқа, Boeing, Raytheon Technologies және Lockheed Martin сияқты басқа да ірі америкалық ойыншылар рейтингте ерекше орын алады.
Бұл фирмалар АҚШ-ты коммерциялық авиация мен қорғаныс саласындағы жаһандық көшбасшы ретінде нығайтуға көмектесіп, әлемдік нарыққа жүздеген миллиард долларды біріктірді.
Нарық капиталы 136,5 млрд долларды құрайтын Airbus – әлемдегі ең ірі ұшақ өндірушісі. 1970 жылы негізі қаланған бұл компания заңды түрде Нидерландыда орналасқан (бірақ операциялық штабы Францияда) коммерциялық және әскери ұшақтар өндірісінде басым күш болып отыр.
1906 жылы ашылған және АҚШ-та орналасқан Honeywell International 130,9 млрд долларлық нарықтық құнымен екінші орынды иеленді. Штаб-пәтері Солтүстік Каролинада орналасқан компания аэроғарыштық және өнеркәсіптік жүйелерде маңызды рөл атқарады.
Ірі әуе компаниялары ұшақ санын арттыруда
Әлемдегі ірі әуе компаниялары ұшақ паркін кеңейту үшін түрлі қадамдар жасауда. Бұл үрдіс, әсіресе, жолаушылар тасымалына сұраныстың артуына және авиация саласының тұрақты даму бағытына көшуіне байланысты болып отыр. Халықаралық туризм мен іскерлік сапарлардың қалпына келуі әуе тасымалының жоғары сұранысқа ие болуына ықпал етуде. Сондай ақ жаңа буын ұшақтарының отын үнемділігі және экологиялық тазалығы компанияларға заманауи флот құруға ынталандырады. Осылайша, әуе компаниялары нарықтағы орнын сақтап қалу үшін жаңа бағыттарды ашып, өз паркін жаңартады.
Аirbus және Boeing сияқты ірі өндірушілерге тапсырыс саны артуда. Мысалы, Emirates пен Qatar Airways жаңа кеңфюзеляжды ұшақтарға көп тапсырыс береді. Азиядағы China Eastern Airlines және IndiGo компаниялары аймақтық және халықаралық рейстер үшін флотын кеңейтуде.
Әуе компанияларының табыстылығы
Дүние жүзіндегі коммерциялық авиакомпаниялардың таза пайдасы белгілі кезеңде өзгеріп отырды. Атап айтқанда, жаһандық авиакомпания 2020-2021 жылдар аралығында коронавирустық пандемия салдарынан 137,7 және 40 млрд доллар көлемінде айтарлықтай шығынға ұшырағанын хабарлады. Дереккөзге сәйкес, коммерциялық әуе компаниялары 2023 жылы 27,4 млрд долларды құрайтын таза кірісті тіркейді деп күтілуде, бұл 2020 жылдан бері бірінші оң табыс.
Компаниялардың табысына әсер ететін негізгі факторлар: баға саясаты мен операциялық шығындар. Мәселен, билеттердің бағасы мен баға стратегиясы табысқа үлкен әсер етеді. Төмен бағалы авиакомпаниялар (мысалы, Ryanair, EasyJet) жолаушылардың көп болуымен ерекшеленеді. Ал операциялық шығындардың бастысы отын бағасы. Сондай-ақ ұшақтарды ұстау шығындары және қызметкерлерге төленетін жалақы табыстың таза көлеміне әсер етеді. Қазіргі таңда жаңа флоттар отынды аз мөлшерде тұтынатын ұшақтар тез дамуда, бұл өз кезегінде отын тұтынуын азайтып, операциялық шығынды азайтуға алып келеді деп болжануда.
Бренд құнына күрес: саудиялық «Emirates» әуе компаниясы үздік үштікке ұмтылып келеді
Әлемдік әуе компаниялар арасындағы бренд құны бойынша бәсеке — олардың нарықтағы орны мен беделін айқындайтын маңызды көрсеткіш. Бренд құны компанияның қаржылық жағдайына ғана емес, сонымен бірге клиенттердің сеніміне, қызмет сапасына және инновациялық шешімдеріне де тәуелді.
Қызмет көрсету сапасы: жолаушыларға жайлы жағдай жасау, рейстердің уақытылы орындалуы және клиенттермен жақсы қарым-қатынас бренд құнын арттырады.
Қауіпсіздік және сенімділік: қауіпсіздік стандарттарына сай болу және сенімді жұмыс істеу беделді нығайтады.
Инновациялар: заманауи технологияларды қолдану (мысалы, Wi-Fi, қосымшалар, жаңа ұшақ модельдері) брендтің тартымдылығын арттырады.
Маркетинг және жарнама: әлемдік нарықта брендтің танымалдығы оның тиімді жарнама стратегиясына байланысты.
Экологиялық тұрақтылық: төмен көмірқышқыл газын шығаратын заманауи ұшақтарды пайдалану мен жасыл бастамаларға назар аудару брендтің құндылығын өсіреді.
