Ұлттық банк 2025 жылы базалық мөлшерлемеге қатысты шешім кестесін бекітті
Ұлттық банк 2025 жылға базалық мөлшерлеме бойынша шешім кестесін бекітті. Келесі жылы банк базалық мөлшерлемеге қатысты жалпы 8 сегіз рет шешім қабылдаса, оның төртеуі болжамдық талдау нәтижелеріне негізделеді.
«Базалық мөлшерлеме бойынша шешімдер аптаның соңғы жұмыс күні Астана уақыты бойынша сағат 12:00-де жарияланады және келесі аптаның бірінші жұмыс күнінен бастап күшіне енеді», – делінген ҰБ хабарламасында.
Шешім қабылданатын күндер:
- 17 қаңтар
- 7 наурыз
- 11 сәуір
- 5 маусым
- 11 шілде
- 29 тамыз
- 10 қазан
- 28 қараша деп белгіленген.
Базалық мөлшерлеме – ақша-несие саясатының негізгі құралы, инфляция деңгейіне, ұлттық валюта бағамы және несие беру құнына тікелей әсер етеді.
Қазір Қазақстанда базалық мөлшерлеме 14,25% -ды құрайды. Бас банк 11 қазанда шығарған шешімінде негізгі көртсеткішті өзгеріссіз қалдырған. Биыл базалық мөлшерлеме бойынша соңғы шешімі 29 қарашада қабылданады.
