Астана қаласын жаңа жылдық безендіру шараларына бюджеттен жалпы 700 млн теңгеге жуық қаржы бөлінеді. Бұл туралы қалалық әкімдіктің баспасөз қызметі хабарлады.
Әкімдік ақпаратына сүйенсек, қаланың жалпы безендіру жұмыстарына 696,7 млн теңге бөлінеді. Бұл сома елорда аудандары арасында бөлінген; Нұра ауданына 79 млн теңге, Сарыарқа ауданына 110 млн теңге, Алматы және Сарайшық ауданына 165 млн теңге, Байқоңыр ауданына 158,8 млн теңге, Есіл ауданы 183,9 млн теңге.
Безендіру жұмыстары қараша айының ортасында басталып, 30 желтоқсанға қарай аяқталуы тиіс.
Қаланың 6 ауданында 60-қа жуық демалыс орындары ашылады. Олардың қатарында: мұз айдындары, сырғанақтар, сүйкімді шағын архитектуралық мүсіндер, фотоаймақтар сынды көңіл-көтеру аймақтары болады.
Бұған қоса, әкімдіктер жаңа шырша сатып алмайтыны жазылған. Олар өз қарамағында бар шырша қолданып, оны безендіретін шырақтардың бір бөлігі былтырдан қалған.
