Қазақстандық UFC жұлдызы Шавкат Рахмонов ирландиялық Иэн Гэрримен өтетін жекпе-жегінде алатын сыйақысы белгілі болды. Sportalmag деректеріне сәйкес, Рахмоновтың кепілдендірілген сыйақысы 350 мың долларды құрайды. Ал қарсыласы Иэн Гэрри 150 мың доллар алады. Жекпе-жектің жеңімпазына қосымша 100 мың доллар бонус беріледі.
Сонымен қатар UFC демеушілерінен екі спортшыға да алты мың доллардан қосымша сыйақы қарастырылған. Бұдан бөлек, спортшылар билет сатылымдарынан да табыс табады. Егер UFC кешіне барлық билет сатылса, Рахмонов қосымша 300 мың доллар, ал Гэрри 150 мың доллар табыс табады.
Барлық кепілдендірілген төлем мен бонусты ескерсек, Шавкат Рахмоновтың жалпы гонорары 800 мың долларға (416 млн теңге) жетеді деп күтіліп отыр. Ал Иэн Гэрридің табысы шамамен 450 мың долларды (235 млн теңге) құрайды.
Еске сала кетейік, UFC жартылай орта салмақтағы үшінші орынға жайғасқан қазақстандық файтер Шавкат Рахмонов 8 желтоқсанға қараған түні Лас-Вегаста уақытша чемпиондық титул үшін 8-орында тұрған ирландиялық Иэн Мачадо Гэрримен жекпе-жек өткізеді. Қазақстандық жанкүйерлер бұл жекпе-жектің тікелей көрсетілімін UFC-дің ресми сайтында көре алады.
