KAZ Minerals өндіріс көлемін қысқартуда

Тау-кен металлургия кәсіпорны 2024 жылдың үш тоқсанындағы металл өндірісі туралы есеп берді. Жарты жылдықтың қорытындысы бар алдыңғы есептегідей теріс динамика байқалады. Мыс, алтын, мырыш және күміс өндіру кен орнындағы құнды компоненттердің азаюына байланысты төмендеп келеді.

KAZ Minerals-тың негізгі қазба байлығы саналатын мыс өндірісі бір жылда 301-ден 287 мың тоннаға дейін төмендеді, оның ішінде Ақтоғайда 172,2 мың тонна (-10%), ал Бозшакөлде 25,8 мың тонна (-2%) өндірілді. Шығыс өңірі мен Бозымшақта өндіріс көлемі керісінше 12%-ға өсіп, 35,6 мың тоннаны құрады.

Кәсіпорын нарыққа 295 мың тонна түсті металл шығарды, бұл өндірілген өнім көлемінен 3%-ға артық.

KAZ Minerals құрамында мыс мөлшері аз кенді жинақтап, өндірісті арттыруда. Тоғыз айда Ақтоғайдан 64,6 миллион тонна кен өндірілді, бұл бір жыл бұрынғыдан 11%-ға артық. Осылайша жер қойнауын пайдаланушы сульфид зауыттарының сұранысын қамтамасыз етуде.

Бозшакөлде де кен өндіру 6%-ға – 8,47 млн тоннаға, ал Шығыс өңір мен Бозымшақта – төрттен бір есеге, яғни 2,5 млн тоннаға дейін өсті. Биыл бұл аймақта жерасты тау-кен жұмыстары басталды.

Бозшакөлде алтын өндіру 81,3 мың унцияны (жылдық көрсеткіштен -6%), Шығыс өңір мен Бозымшақта 29,6 мың унцияны (-13%) құрады. Ақтоғай кен орындарында күміс өндіру 998 мың унцияға дейін және Бозшакөлде 674 мың унцияға дейін өсті. Дегенмен басқа активтер көлемінің айтарлықтай төмендеуі (1,07 млн унция, -27%) жалпы теріс үрдіске алып келді.