Болат Назарбаевқа тиесілі болған зәулім сарай 1,5 млрд теңгеге сатылды

Марқұм Болат Назарбаевқа тиесілі болған ғимарат аукционда сатылды. Зәулім сарай саудаға шығарылғанда 1,8 млрд теңгеге бағаланғанымен, 1,5 млрд теңгеге өткен. Бұл туралы Қайтарылған активтерді басқару компаниясы хабарлады.

Үй Алматының орталығында Байтұрсынұлы мен Абай көшесі қиылысы маңында тұр. Жалпы аумағы 1700 шаршы метрден асады. 47 соттық жерде орналасқан.

Бұл ғимарат экс-президенттің інісі Болат Назарбаевқа тиесілі ұйымның меншігінде болған Осы мекенжайда бұған дейін «ВN INVEST қаржы өнеркәсіптік холдингі» ЖШС кеңсесі тіркелген.

Ғимарат мемлекетке қайтарылған активтер бағдарламасы аясында тәркіленіп, сатылымға шығарылған.

Алматыдағы сараймен қатар, Астана қаласындағы 3 коммерциялық ғимарат сатылған. Түскен қаражат арнайы мемлекеттік қорға аударылады.

«Бұл елдің экономикалық дамуын қолдауда және қайтарылған активтерді тиімді пайдалану мен қайтаруға байланысты басым міндеттерді жүзеге асыруда маңызды рөл атқарады». – делінген комитеті хабарламасында.