Назарбаев университеті мемлекеттен алған 73 млрд теңгені тиімсіз жоспарлаған

Назарбаев университеті мемлекеттік бюджетке тәуелді болып қала береді. Бұл туралы Жоғары аудиторлық палатаның төрағасы Әлихан Смайылов мәлімдеді.

Смайыловтың айтуынша, университеттің қызметін талдау жуырда аяқталған. Аудит барысында мына мәселелер анықталды:

• Бюджетке тәуелділік: Нaзарбаев университеті бюджет қаржыландыруына 97%-ға тәуелді болып отыр. Стратегиялық құжаттарда университеттің басқа қаржыландыру көздеріне көшуі көзделгенімен, бұл міндет орындалмаған.
• Қаржылық есептіліктің болмауы: Қолданыстағы заңнамада университет тарапынан қаржылық есептілік ұсыну талап етілмеген. Бұл университет қызметінің ашықтығына кері әсер етеді.
• Қаржының тиімсіз пайдаланылуы: Аудит университеттің 73 млрд теңгеге тиімсіз жоспарлау немесе пайдалану фактілерін, сондай-ақ 500 млн теңгеге қаржылық бұзушылықтарды анықтады.

Смайылов университеттің стратегиялық серіктестері тауарлар мен қызметтерді конкурссыз жеткізетінін атап өтті. Бұл жүйе бәсекелестік қағидаларын бұзады. Аудит нәтижелері бойынша бұзушылықтарды жою жөніндегі ұсыныстар университет пен үкіметке жолданды.

2023 жылдың қазан айында Әлихан Смайылов Назарбаев Зияткерлік мектептері, Нaзaрбаев университеті және Назарбаев қорының жоғарғы қамқоршылық кеңесін басқарған. Бұл қызметті ол Қазақстанның тұңғыш президенті Нұрсұлтан Назарбаев алмастырған еді.