Алматы өрт сөндірушілері 4 баланы құтқарды – ТЖМ
Жарияланды
Сейсенбі, 17 желтоқсан күні Алматыда көппәтерлі үйде орналасқан дүкен өртеніп, құтқарушылар 4 баланы өрттен құтқарды. Бұл туралы Төтенше жағдайлар министрлігінің баспасөз қызметі хабарлады.
«Таңертең Наурызбай ауданында С.Жүнісов көшесінде орналасқан көппәтерлі тұрғын үйдің бірінші қабатында орналасқан дүкен сөрелерін от шарпыды»,- деп хабарлайды баспасөз қызметі.
Өрт кезінде құтқарушылар көппәтерлі үйдің тұрғындарын эвакуациялаған. 30 адам баспалдақ маршымен түсірілсе, 60 адам өздері көшеге шыққан. Солардың ішінде 4 бала құтқару қалпақтары арқылы эвакуацияланған.
ТЖМ өртте зардап шеккендердің жоқ екенін, өрттің дер кезінде сөндірілгенін хабарлайды.
