Қаңтар айында ЖОО-лардың ақылы бөліміне арналған ҰБТ өтеді
20 желтоқсаннан бастап 2025 жылдың қаңтар айындағы ҰБТ-ға өтініш қабылдау басталады. Бұл жөнінде Ұлттық тестілеу орталығы хабарлады.
Түлектер 30 қаңтарға дейін орталық сайты немесе мобильді қосымша арқылы өтініш жібере алады.
Жоғары оқу орнының ақылы бөліміне түсу үшін 11-сынып оқушылары сынақтан өтеді. Бұған дейін шекті балл жинай алмағандар да бағын сынайды.
«ЖОО-ға ақылы негізде шығармашылық дайындықты талап ететін білім беру бағдарламалары тобы бойынша білім алушы және басқа білім беру бағдарламалары тобына ауықысы келетіндер, ақылы негізде басқа білім беру бағдарламалары тобы бойынша білім алушы және «Педагогикалық ғылымдар» білім беру саласы бойынша білім беру бағдарламалары тобына ауысуға ниет білдіргендер тестілеуге қатысады», – деп хабарлады ҰТО.
Сынаққа қатысу үшін 5640 теңге төлем жасауы керек. ҰБТ-дағы пәндер өзгермеген.
