Кипрлік АПОЭЛ мен «Астана» 2024/25 маусымындағы Конференция лигасының жалпы кезеңінің 6-турында 1:1 есебімен тең түсті.
Ойын Никосия қаласындағы «Нео ГСП» стадионында өтті. Матчтың 57-минутында есепті жартылай қорғаушы Анастасиос Донис ашты. Ал 64-минутта «Астана» қорғаушысы Кипрас Кажуколовас жауап голын соғып, таразы басын теңестірді.
Матчта екі қызыл қағаз көрсетілді: 65-минутта қонақтар сапындағы жартылай қорғаушы Макс Эбонг алаңнан қуылса, 70-минутта алаң иелерінің ойыншысы Яннис Сациас қызыл қағаз алды.
Осылайша, АПОЭЛ 11 ұпай жинап, турнир кестесінің 10-орнына тұрақтады. Ал «Астана» 5 ұпаймен 28-орында қалып, жарыс жолынан шықты. Осылайша, Астана үшін футбол маусымы аяқталды.
Еске сала кетейік, бұған дейін «Астана» Алматыда Челсимен ойнап, орталық стадионында тозған орындықтар мен қары тазаланбаған жерлер әлеуметтік желіге тарап кетіп, стадионы басшылығы сынға ұшыраған еді.
