«Қазгидромет» болжамына сәйкес 25 желтоқсанда Қазақстанның басым бөлігінде тұман мен үскірік аяз болады.
Дауылды алдын ала ескерту 13 облыс пен Астана қаласында тіркелген. Әсіресе елдің шығысында қатты аяз тұрады. Дегенмен республика аумағында қар мен жауын-шашын болмайды.
- Астанада көшпелі бұлт, жауын-шашынсыз, таңертең тұман, түнде температура -12–14 °C, күндіз -6-8 °C.
- Алматыда күн бұлтты, жауын-шашынсыз, түнде температура –10-12 °C, күндіз–1-3 °C.
- Шымкентте көшпелі бұлт, жауын-шашынсыз, түнде температура -6-8 °C, күндіз + 5-7 °C.
«ҚазАвтожол» ақпаратына сүйенсек, ауа райына байланысты Жетісу облысында көлік қозғалысын шектеледі.
«2024 жылғы 25 желтоқсанда сағат 08:00-де Жетісу облысында ауа райы жағдайына байланысты «Үшарал-Достық» автожолының (Көктұм станциясынан Достық ауылына дейін) 84-164 шақырымында көліктің барлық түрлерінің қозғалысы шектелді», – делінген хабарламада.
Жоспар бойынша жол 31 желтоқсан сағат 10:00 ашылуы тиіс.
