30-31 желтоқсан күндері мамандандырылған ХҚКО-лар жұмыс істей ме?

30-31 желтоқсан күндері мамандандырылған ХҚКО-лар жұмысын тоқтатпайды. Бұл туралы «Азаматтарға арналған үкімет» Мемлекеттік корпорациясының ресми телеграм парақшасында жазылған.

Кезекші ХҚКО жұмыс күндері сағат 20:00-ге дейін, ал кезекші мамандандырылған ХҚКО-лар сағат 18:00-ге дейін адам қабылдайды. Азаматтар өздерінің дайын құжаттарын жұмыс күндері сағат 20:00-ге дейін алып кете алады.

Қызмет көрсету орталықтары тек сенбі күндері сағат 13:00-ге дейін жұмыс істейді.

«Азаматтарға арналған үкімет» Мемлекеттік корпорациясының хабарлауынша, 30 желтоқсаннан бастап Қарағанды қаласында, ал 4 қаңтардан бастап Шымкент, Өскемен, Жезқазған, Тараз және Түркістан қалаларындағы кезекші ХҚКО мен мамандандырылған ХҚКО мекенжайлары өзгереді. мекемелердің мекенжайлары қайда өзгеретінін туралы мына сілтемеден біле аласыздар.