Балалардың қысқы демалысы қашан аяқталады?
Қазақстан мектептерінде қысқы демалыс 30 қаңтардан 8 қаңтарға дейін, 10 күнге созылады. Осылайша оқушылар 9 қаңтар күні, бейсенбіде қайта сабаққа кіріседі. Бұл туралы Оқу-ағарту министрлігінің баспасөз қызметі хабарлады.
«Осы оқу жылында қысқы демалыс 30 желтоқсаннан 8 қаңтарға дейін 10 күнге созылады. Ал бірінші сынып оқушылары үшін 2025 жылдың 10-16 ақпан аралығында 7 күн қосымша демалыс беріледі»,- делінген баспасөз хабарламасында.
Оқушылардың қысқы демалысқа шығуына байланысты Оқу-ағарту министрлігі ата-аналарға қауіпсіздік ережелерін сақтауға шақырады.
Министрлік балалардың қауіпсіздігін қамтамасыз ету мақсатында мереке күндері оқушылардың отбасымен уақыт өткізуіне ерекше көңіл бөлуді ұсынады. Сонымен бірге мұндай қарбалас күндері балаларды үлкендердің қарауынсыз қалдырмау маңызды екенін құлаққағыс етті.
«Жол-көлік оқиғаларының алдын алу мақсатында көшелерде, сырғанақтарда, мұз айдындарында, су қоймалары маңында және адамдар көп жиналатын орындарда, соның ішінде жәрмеңкелер мен жаңажылдық шыршаларда қауіпсіздік шараларын сақтау керек», – деп ескертеді министрлік.
Әсіресе жаңажылдық от шашу кезінде өрт қауіпсіздігі мен балалардың қауіпсіздігіне аса мән берген дұрыс. Министрлік от пен электр құрылғыларын қолдану кезінде, жаңажылдық гирляндалар, шамдар мен бенгал шамдарын пайдаланғанда қауіпсіздік ережелерін қатаң сақтау маңызды.
