Қазақстанның футбол клубтарына арналған монеталар шықты

Қазақстан Ұлттық Банкі «Қазақстанның футбол клубтары» және «Қазақстан Футбол Федерациясына» арналған коллециялық монеталарды айналымға шығарды.

Монеталарда биылғы маусымдағы премьер-лига клубтарының логотиптері бейнеленген. Олардың әр түрінен 7000 дана монета дайындалады.

5000 данасы жеке блистерде, ал 2000 монета «Қазақстанның футбол клубтары»  кәдесый блистер жиынтығында болады.

«Монеталар мельхиор (МН 25) қоспасынан дайындалған. Массасы – 15 грамм, диаметрі – 33 мм, дайындау сапасы – brilliant uncirculated, номиналы – 200 теңге», – деп жазылған Ұлттық Банк хабарламасында.

Бұған дейін Ұлттық Банк Сағадат Нұрмағамбетов пен Александр Македонскийге арнап коллекциялық монеталар шығарған. Олар «Есте қалатын оқиғалар мен біртуар адамдар» сериясы аясында жарық көрді.