Мекке мен Мәдинада нөсер жауып, қала көшелері суға толды
Жарияланды
(жаңартылды )
Сауд Арабиясының Мекке мен Мәдина қалаларында қатты су тасқыны болды. Толассыз жауған жаңбырдың салдарынан қала көшелерінде сарқырап су ақты, көптеген көлікті ағын су шайып кетті. Бұл жөнінде жергілікті Metro газеті жазды.
Ислам діні бойынша ең қасиетті қала – Мекке – ауа райының қолайсыздығынан зардап шекті. Әлеуметтік желіде тараған кадрларда нөсер жаңбыр салдарынан шағын аудандардың кей жерін су басқандығы көрсетілген.
Метеорологиялық қызмет қалалар, соның ішінде Мекке, Медина және порт қаласы Жидда үшін қызыл дабыл деңгейін жариялады. Су кенеттен құрғақ және жартасты беткейлерден асып, елді мекендерді басып қалды.
