2024 жылдың соңында Қазақстандағы қызмет көрсету саласында іскерлік белсенділік төмендеген. Freedom Holding Corp. пен S&P Global ұсынған PMI® индексі қарашадағы 50.8 мәнінен желтоқсанда 49.7 төмендеген. Іскерлік белсенділік индексі үш айдың ішінде екінші рет қысқару аймағына қайта оралды.
Жыл соңында қызмет көрсету саласындағы бизнес көлемі ұлғайғанына қарамастан, іскердік белсенділік баяулаған. Дегенмен де сұраныс көлемі артып, соның ықпалымен жаңа бизнес анағұрлым баяу болса да, тұрақты өсім көрсетті.
Қазақстандық компаниялардың қызметіне деген сұраныстың өсуін жалғастырған. Өсім деңгейі қарашамен салыстырғанда баяулағанымен, жаңа бизнестің ауқымы 2024 жылғы орта шамадан жоғары болды.
2024 жылдың желтоқсан айында ресурс құны мен дайын өнім бағасы өскен.
«Желтоқсанда қызмет көрсету саласындағы белсенділік 49.7 болып, аздап төмендегеніне қарамастан, сұраныстың арту көрсеткіші өзгеріссіз қалды. Компаниялар жаңа клиент тартуды жалғастыра берді, ал Қазақстандағы көрсетілетін қызметтерге деген сұраныс жылдың аяқталуына қарай жақсарды. Салада жаңа қызметкер тарту жалғасқанымен, алдыңғы кезеңмен салыстырғанда біршама баяулады. Инфляциялық қысым (әсіресе шығындарға қатысты) артқанымен, әлі де басқарылатын деңгейде қалып отыр», – дейді Freedom Finance Global PLC Қаржылық талдау департаментінің директоры Ерлан Әбдікәрімов.
Компаниялар 2025 жылы да сұраныс өседі деп сенеді және қызмет сапасын жақсарту мен инвестиция салуды жалғастыруға ниетті.
