Маңғыстауда 5 ай бойы әскери жаттығу өтеді. Полигон аумағына кіруге қатаң сыйым салынды
Жарияланды
Маңғыстау облысы Бейнеу ауданы Боранқұл ауылының әкімдігі«Бейнеу» полигонында жаттығулар өтетінін хабарлады, деп жазады Lada.kz.
Тұрғындарға қауіпсіздік мақсатында бұл аумақта 31 мамырға дейін болмау қатаң ескертілді.
«2024 жылдың 1 желтоқсанынан 2025 жылдың 31 мамырына дейін 99116 әскери бөліміне қарасты «Бейнеу» полигонында жоспарлы атыс жаттығулары және әскери техниканы қолданумен оқу-жаттығулар өтеді»делінген хабарламада.
Тұрғындарға төмендегідей қауіпсіздік шараларын сақтау ұсынылады:
- Полигон аумағына жергілікті тұрғындарға кіруге шектеу қою;
- Полигон аумағында мал жаюға тыйым салу;
- Полигон аумағында орналасқан жабдықтар, металл сынықтары, құрал-жабдықтар және басқа да заттарды алуға (ұрлауға) тыйым салу.
99116 әскери бөлімінің басшылығы жаттығу кезінде полигон аумағында ереже бұзу салдарынан адам мен жануарлардың өлімі тіркелсе, жауапкершілік арқаламайтынын ескертті. Сондай-ақ әкімдік тыйымды бұзғандардың барлығын 99116 әскери бөлімінің қызметкерлері ұстап, Бейнеу аудандық полиция бөліміне тапсыратынын хабарлады.
