Павлодар облысы, Баянауыл ауданы, Майқайың ауылының тұрғындары жер сілкінісін сезді. Бұл туралы Төтенше жағдай департаменті хабарлады.
Павлодар облысы Төтенше жағдайлар департаментінің мәліметінше, ақпарат 9 қаңтар күні сағат 9:55-те тіркелген. Оқиғаның мән-жайын анықтау барысында Қазақстанның Ұлттық сейсмология орталығы берген деректер мен координаттар тексерілген.
Аталған геолокация Майқайың ауылынан 15 шақырым жерде, далалық аймақта орналасқаны анықталды.
«Тексеру барысында ешқандай бұзылулар мен салдар анықталмады. Сонымен қатар, «Майқайыңзолото» ЖШС-нің жарылыс жұмыстары 8 қаңтар күні жүргізілгені белгілі болды. Алайда бұл жұмыстардың қауіпті аймағы мұндай әсерге әкелуі мүмкін емес», — деп мәлімдеді Павлодар облысы ТЖД өкілдері.
