«Болашақ» халықаралық стипендиясы бойынша конкурс 2025 жылдың 1 сәуір – 31 желтоқсан аралығында өтеді. Бұл туралы Ғылым және жоғары білім министрлігінің «Ашық НҚА» порталында жарияланған құжатта жазылған.
Ғылым және жоғары білім министрлігінің бұйрығына сәйкес, 2025 жылы «Болашақ» халықаралық стипендиясына құжаттарды қабылдау наурызда басталады. Ал конкурс құжаттар толық қабылданып болған соң, жыл аяғына дейін жүргізіледі.
«Құжаттарды қабылдау және 2025 жылы «Болашақ» халықаралық стипендиясына конкурс өткізу мерзімдері: құжат қабылдау: 2025 жылғы 3 наурыз бен 17 қазан аралығы; конкурсты өткізу: 2025 жылғы 1 сәуір мен 31 желтоқсан аралығы болып бекітілсін», – делінген құжатта.
Бұл құжат ресми жарияланған күннен бастап күшіне енеді.
