Apple компаниясы 2025 жылы бағасы арзан сегіз жаңа өнім шығаруды жоспарлап отыр. Тізім ішінде жаңа iPhone да бар. Бұл туралы MacRumors басылымы хабарлады.
iPhone SE 4
iPhone SE төртінші буыны iPhone 14-тің негізгі сипаттамаларына ие болады. Смартфон OLED-дисплеймен (6,1 дюйм) жабдықталады және iPhone 16 процессорымен жұмыс істейді. Жаңа құрылғыда Apple Intelligence жасанды интеллекті орнатылады. Бағасы 499 доллардан шамамен 260 мың теңгеден басталмақ.
Apple Watch SE
Apple Watch SE жаңа буыны алюминийдің орнына пластик корпуспен шығарылып, бағасы 249 доллардан 199 долларға (104 мың теңге) дейін төмендейді. Бағаның төмендеуіне қарамастан, сағаттың барлық сипаттамалары сақталады.
2025 жылы күтілетін басқа да қолжетімді құрылғылар:
MacBook Air M4: Жаңа процессор, 16 ГБ оперативті жады, 12 Мп веб-камера және ұзақ автономдық жұмыс уақытымен жабдықталады. Бағасы 1099 доллар шамамен 571 мың теңге.
iPad (11-ші буын) 10,9 дюймдік дисплейі мен Touch ID батырмасы сақталады. A17 Pro немесе A18 процессоры және 8 ГБ оперативті жадымен жұмыс істейді. Бағасы 349 доллардан басталады.
HomePod: ақылды үйге арналған «командалық орталық» 7 дюймдік дисплейі, динамиктері, Face ID камерасы және қозғалыс сенсорлары болады. Бағасы шамамен 90 доллар (46 мың теңге) болуы мүмкін.
HomePod mini (екінші буын) Wi-Fi 6E және Bluetooth чиптерімен, сапалы дыбыс беру мүмкіндігімен жабдықталады. Бағасы 99 (51 мың теңге) доллар.
Apple TV 4K (төртінші буын) жыл соңына дейін шығарылып, бағасы 129 доллардан 99 долларға (51 мың теңге) төмендейді.
Сонымен қатар, 2025 жылы жаңа iPhone 17 ең ерекше жаңалық болмақ. Жаңа сматрфонда камералар жаңартылып, соның ішінде алдыңғы камераның сапасы артады. Сондай-ақ, Apple компаниясының мәліметінше, iPhone 17 телефонымен бірге жаңа iPhone Air нұсқасы шығады.
