2024 жылы Қазақстан азаматтығын алған қандастар саны күрт азайған
2024 жылы 20,2 мың шетелдік Қазақстан азаматтығын алған. Бірінші кредиттік бюро азаматтақ алған адам саны 2020 жылдан бергі ең төменгі көрсеткішке түскенін хабарлайды.
Бюро мәліметінше, Қазақстан азаматтығын алғандар қатарында қандастар саны басым. Десе де, атамекеніне оралған қазақтар саны өткен жылдың көрсеткіштерімен салыстырғанда айтарлықтай азайған. Шетелден оралған қазақтардың аз болуы негізгі көрсеткіштердің төмендеуіне де әсер еткен. Мәселен, 2024 жылы 15,7 мың шетел қазағы атамекеніне оралып, Қазақстан азаматы атанған. Ал 2023 жылы 20,5 мың қазақ ел азаматтығын алған. Көрсеткіштердің төмендегінен қарамастан, 2024 жылы азаматтық алғандар арасындағы қандастардың үлесі артқан. Яғни, 2023 жылы азаматтық алғандар арасында қандастардың үлесі 76% болса, 2024 жылы 77%-ға көтерілген.
Азаматтық алғандардың көбісі негізінен Алматы облысына қоныстанған. Қазақстан азаматтығын алғандар негізінен мына үші облысқа барады:
- Алматы облысы – 26%
- Астана – 9%;
- Түркістан – 8%.
Ал Байқоңыр, Ұлытау, Қызлорда өңірлерін азаматтық алған адамдар көп таңдай бермейді. Мәселен, азаматтық алған соң Байқоңырға небары 19 адам, Ұлытау облысына 21, Қызылорда облысына 42 отбасы көшіп барған.
