«Твин Пикс» фильмімен аты әлемге танылған голливудтық режиссер Дэвид Линч 79 жасқа қараған шағында өмірден өтті. Бұл туралы америкалық Variety басылымы жазды.
Басылымның жазуынша, 2025 жылдың 16 қаңтарында 78 жастағы режиссер эмфиземасының асқынуынан қайтыс болған. Линчке бұл диагноз 2024 жылы қойылған. Ол ұзақ жылдар бойы темекі шегу әсерінен пайда болған.
«Оның отбасы өкілі ретінде Дэвид Линчтің қайтыс болғанын хабарлаймыз. Оның қайтыс болуы бізге ауыр тиді, әлем күйреп кеткендей болды. Ол өзі ылғи әлемнің кемшілігіне емес, пончикке қараған жөн деп айтатын», – делінген басылым жария еткен отбасының мәлімдемесінде.
Дэвид Кит Линч – америкалық режиссер, сценарист және продюсер. Оның туындылары әлемдік киноға үлкен әсерін тигізді. Ең танымал жобаларының қатарына «Твин Пикс» сериалы, «Мулхолланд Драйв» және «Дюна» фильмдері кіреді.
Линч кино саласына қосқан үлесі үшін көптеген марапатқа ие болды. 2019 жылы Канн кинофестивалінің «Алтын пальма бұтағы» және Венеция кинофестивалінің «Алтын арыстан» сыйлығының лауреаты атанды. Ол сондай-ақ «Үздік режиссер» номинациясы бойынша үш рет «Оскар» номинациясына ие болды.
