Қазақтелеком интернет жұмысы неге тоқтағанын түсіндірді
Елдегі интернет ақауларына «Қазақтелекомның» қатысы жоқ. Бұл туралы компанияның баспасөз қызметі таратқан ресми хабарламада жазылған.
Компания мамандарының түсіндіруінше, мәселе «Ұлттық ақпараттық технологиялар» АҚ-ның жұмысына қатысты болып тұр.
«Күндіз сағат 10-дар шамасында «Ұлттық ақпараттық технологиялар» АҚ-ға (ҰАТ) қол жеткізуге қатысты кідіріс байқалды», – деп жазылған хабарламада.
Сондай-ақ дәл осы кезде Ресейде Қоғамдық байланыс желісін бақылау және бақылау орталығы да «Мегафон» компаниясының еуропалық желілермен байланыстарындағы кедергілер туралы хабарлаған. Кейінірек «Мегафон» жағдай қалпына келгенін жазды.
Ал «Қазақтелеком» өз жүйелерінде ешқандай ақау болмағанын мәлімдей келе, Еуропа мен Азиядағы нүктелер арқылы мәселені тез шешуге қабілетті екенін де жазады.
«Егер транзиттік операторларда мәселе туындаса, біз кіріс трафикті бағыттаймыз, осылайша аплинк операторларының (транзиттік) істен шығуының әсерін азайтып, өз клиенттеріміз үшін қызметтердің тұрақтылығын сақтаймыз. Осы нүктелерде біз трафикті Еуропадағы операторлардың Автономды жүйелерімен және BigTech компанияларымен (AS) тікелей, транзиттік операторларды айналып өтетіндей алмасамыз.», – деп жазылған хабарламада.
Айта кетейік, бүгін eGov.kz, gov.kz, eLicense.kz тәрізді мемлекеттік қызмет көрсететін порталдар жұмыс істеуін тоқтатты. Цифрлық дамуы министрлігінің түсіндіруінше, бүкіл әлемде осындай ақау болып жатыр. Ұялы байланыс және Meta (Facebook, Instagram, WhatsApp) сервистерінің жұмысында да мәселе туындаған.
