Тоқаев Си Цзиньпинге құттықтау хат жолдады

Қазақстан президенті Қасым-Жомарт Тоқаев Қытай Халық Республикасының президенті Си Цзиньпин мен Қытай халқын ««Чуньцзе» мерекесімен құттықтады.

Жеделхатта Тоқаев шығыс күн тізбесі бойынша жаңа жыл мерекесінің жаңаруға, татулыққа, мейірім мен жасампаздыққа шақыратынын атап өткен. Сондай-ақ Си Цзиньпиннің «стратегиялық бастамалары» мен «ізгі жоспарларына» сәттілік тілеген.

«Қазақстан мен Қытайдың мәңгі әрі жан-жақты стратегиялық серіктестігі күннен-күнге жанданып, мызғымас достық пен өзара тиімді ықпалдастықтың үлгі тұтарлық көрінісіне айналғанын зор ризашылықпен атап өтемін», – делінген Тоқаевтың жеделхатында.

Тоқаев Қытай көшбасшысының бұл игі іске қосқан үлесін бағалай отырып, екі ел арасындағы ынтымақтастықтың нығая түсуіне мүдделілік танытқан.

Сонымен қатар Тоқаев Вьетнам Коммунистік партиясы орталық комитетінің бас хатшысы То Ламды да шығыс жаңа жылы – Тет мерекесімен құттықтады.

Президенттің пікірінше, Қазақстан Вьетнам елін Оңтүстік-Шығыс Азия аймағындағы маңызды серіктес деп біледі. Екі елдің ынтымақтастығы жаңа деңгейге көтеруге бейілді екенін айтқан.

Тоқаев То Ламға – табыс оның халқына береке тілеп, жеделхат жолдады.