Танымал әнші Алмас Кішкенбаев әкімшілік тәртіп бұзу фактісі бойынша жауапкершілікке тартылды. Бұл туралы Алматы қаласының арнайы ауданаралық әкімшілік сотының кабинетінде жарияланды.
Іс қозғалу себептері қандай?
31 қаңтарда Алматы қаласының Арнайы ауданаралық әкімшілік соты ҚР ӘҚБтК-нің 434-бабы 1-бөліміне («Қоғамдық орындарда тәртіп бұзу») сәйкес іс қозғап, оны қарауды күн тәртібіне енгізді, делінген хабарламада.
Сот 31 қаңтарда істі қарауды 3 ақпанға қалдыру туралы шешім қабылдады. Мұның себебі – жәбірленуші тараптың заңды өкілі, Корзухин А.А. істі кейінге шегеру туралы өтініш білдірген.
«31 қаңтарда істі мәні бойынша қарау мүмкін болмады. Өйткені жәбірленуші тарап, яғни кәмелетке толмаған азаматтың заңды өкілі іс материалдарымен толық танысып үлгермегендіктен, процесті басқа күнге ауыстыруды сұрады,» делінген сот қаулысында.
Қандай жаза қарастырылуы мүмкін?
ҚР Әкімшілік құқықбұзушылық кодексінің 434-бабы, 1-бөлігіне сәйкес, Алмас Кішкенбаевқа келесі жаза түрлері қолданылуы мүмкін:
- 20 АЕК (78 640 теңге) көлемінде айыппұл
- 5 күннен 15 күнге дейін әкімшілік қамау
Еске сала кетейік, бұған дейін Алмас Кішкенбаевтің алғашқы махаббаты Сиви Махмуди досына қолдау білдірген еді.
