Қаңтар кезінде археолог Жағыпаровты өлтірген Ұлттық ұлан подполковнигі сотталды
Қаңтар оқиғасы кезінде археолог Ерлан Жағыпаровтың өліміне кінәлі деп танылған Ұлттық ұланның 5571 әскери бөлімінің подполковнигі Айтжан Әубәкіровке, бүгін, 7 ақпан күні Алматының әскери соты үкім шығарды.
Соттың мәліметінше, Әубәкіров 2022 жылғы 6 қаңтарда Алматы қаласында Ерлан Жағыпаров пен Әуез Қапсалановқа оқ атқан. Сот барысында медициналық сараптама нәтижелері айтылып, 30-дан астам куәгер сұралды.
Сот процесі мен үкім
Бұл іс бойынша алғашқы сот отырысы 2024 жылғы 19 желтоқсанда басталған. Алайда бірнеше сот процесінен кейін сот жабық режимде өтті, журналистер сот залына кіргізілмеді. Сот мұны ұлттық қауіпсіздік пен мемлекеттік құпияларға қатысты ақпараттың барлығымен түсіндірді.
Алматы горнизоны әскери соты Айтжан Әубәкіровті Қазақстан Республикасы Қылмыстық кодексінің 451-бабы («Билікті асыра пайдалану») бойынша кінәлі деп танып, 7 жылға бас бостандығынан айырды.
Істің мән-жайы
Ерлан Жағыпаров – археолог, тарихи-мәдени мұраны зерттеуші болған. Қаңтар оқиғасы кезінде жоғалып кетіп, бірнеше күннен кейін мәйітханадан табылды. Марқұмның денесінде азаптау іздері мен оқ жарақаттары болған.
