Жамбыл облысында полицей өзін-өзі атып өлтірді

Жамбыл облысында полицей өзін-өзі атып өлтірді. Полиция департаменті қызметкерінің өзіне қол салғанын растады.

Телеграм арналардың бірінің ақпаратынша, оқиға Жасөркен ауылында болған.

«Өзін-өзі өлтіруге итермелеуге жеткізу бабы бойынша сотқа дейінгі тергеу жүргізіліп жатыр», – деп хабарлады жергілікті полиция.

Полицияның хабарлауынша, тергеудің толық, объективті және жан-жақтылығын қамтамасыз ету мақсатында барлық тергеу шаралары жүргізіліп жатыр.

«ҚР ҚК 201-бабына сәйкес, басқа ақпарат жариялауға жатпайды», – делінген хабарламада.

Жамбыл облысында полицей суицид жасағаны жайында ақпарат тарады. Алдын ала тараған мәлімет бойынша, Жамбыл облысындағы Жасөркен ауылында 12 ақпанда кешкі сағат 18:15-де ГРЭС бекетінде тұрған, 2003 жылы туылған полиция қызметкері өзін-өзі атқан. Оқиға орнына құзырлы органның қызметкерлері келіп жеткен.

Мұның алдында Ақтөбе облысында аудандық қорғаныс істері жөніндегі бөлім бастығы өз-өзіне қол жұмсағаны жайында жазған едік.