Бүлдіршінді қылқындырған тәрбиеші жазаға тартылатын болды. Полицияның хабарлауынша, қазір қылмыстық іс қозғалып, оқиғаның мән-жайы анықталып жатыр. Оқиға Алматы қаласындағы балабақшалардың бірінде болған.
Полиция мәлімдемесі
«Бостандық аудандық полиция Басқармасына қарасты полиция бөлімі кәмелетке толмаған баланы тәрбиелеу жөніндегі міндеттерді орындамау дерегі бойынша қылмыстық іс қозғады», – деп хабарлады Алматы қалалық полиция департаментінің баспасөз қызметі.
Полиция бүлдіршінді қылқындырған тәрбиеші және басқа да жауапты адамдар заңға сәйкес жауапкершілікке тартылады деп уәде беріп отыр.
Оқиға қалай болды?
Telegram-дағы Qogam by Satzhangram арнасында бейнежазба жарияланды. Онда тәрбиешінің кішкентай баланың аузын жауып, тыныстауына мүмкіндік бермей, қылқындырып жатқаны көрінеді. Анасы бүлдіршінді қылқындырған тәрбиеші туралы бейнежазбаны көріп, дереу полицияға шағым түсірген.
Қоғамды дүр сілкіндірді
Бұл бейнежазда желілерде таралып, қоғам тарапынан дүмпу туды. Ата-аналар балалардың қауіпсіздігіне алаңдап отырғанын жазып жатыр. Кейбіреулер Алматыдағы балабақшаларға бақылауды күшейтуді талап етуде. Бүлдіршінді қылқындырған тәрбиеші туралы бейнежазба ешкімді бей-жай қалдырмады.
Тәрбиеші қандай жаза алады?
Тәрбиешінің кінәсі дәлелденсе, ол ҚР Қылмыстық кодексінің 140-бабы (кәмелетке толмағандарды тәрбиелеу жөніндегі міндеттерді орындамау) немесе 110-бабы (азаптау) бойынша жауапқа тартылуы мүмкін. Яғни бүлдіршінді қылқындырған тәрбиеші бұл салада үш жылға дейін қызмет атқара алмайды. 160 АЕК көлемінде айып төлеуі немесе қырық тәулікке дейін қамалуы мүмкін.
Мұның алдында еңбек нарығында мейірбике, тәрбиеші мен күзетшілер жетіспейтіні жайында жазған едік.
