Ақтауда ауа райының қолайсыздығынан әуежай жұмысын уақытша тоқтатып, жолдар жабылды

Ауа райының қолайсыздығына байланысты Ақтау әуежайы жергілікті уақыт бойынша сағат 20:00-ге дейін уақытша жабылды.

Әуежай баспасөз қызметінің хабарлауынша, қазіргі уақытта 6 рейс кешіктіріліп, 2 рейс тоқтатылған.

Баспасөз қызметі рейстер туралы ақпаратты ресми сайт пен анықтама бюросының 8 (7292) 609755 телефоны арқылы біліп отыруға шақырады.

Қазіргі уақытта мына рейстер кешігіп жатыр.

FS7278/7277 Ақтау-Атырау-Ақтау
DV731 Алматы-Ақтау
FS7625 Ақтау-Ыстанбұл
FS7276 Ақтау-Атырау
DV780 Көкшетау-Ақтау
FS7375 Ақтау-Астана

Тоқтатылған рейстер:

DV709/742 Шымкент-Ақтау-Астана
DV741/710 Астана-Ақтау-Шымкент

Әуежай жолаушыларды жағдайға түсіністік танытып, өзекті ақпаратты бақылаулап отыруды сұрайды.

Бұдан бөлек Маңғыстау облысында жауған қар салдарынан бірнеше автожол жабылып, полиция күшейтілген жұмыс режиміне көшкен.