Ұлытау облысында көпбалалы аналарға 8 наурыз қарсаңында ақшалай сыйлық беріледі

Ұлытау облысында 8 наурыз Халықаралық әйелдер мерекесіне орай 9 мыңнан астам көпбалалы ана біржолғы әлеуметтік төлем алады. Бұл туралы облыстық әкімдік мәлім етті.

Бір рет берілетін әлеуметтік төлемнің құны – 20 000 теңге.

Кімдер алады

Төлем Ұлытау облысының «Алтын алқа», «Күміс алқа» алқаларымен наградталған немесе бұрын «Батыр ана» атағын алған, I және II дәрежелі «Ана даңқы» ордендерімен наградталған 2711 анаға беріледі.

«Сонымен қатар, төрт және одан көп кәмелетке толмаған баласы, оның ішінде он сегіз жасқа толған жалпы орта, техникалық және кәсіптік, орта білімнен кейінгі, жоғары, жоғары оқу орнынан кейінгі білім беру ұйымдарында білім алатын балалары бар 6454 көпбалалы отбасыға төленеді»,  – делінген хабарламада.

Бұған дейін тура осындай бастама Шымкентте жүзеге асырылатынын хабарлағанбыз.