Қытайдың Chery компаниясы Қазақстанға екі жаңа өнім келе жатқанын ресми түрде растады. Олардың бірі – Tiggo 9 кроссовері. Брендтің соңғы модельдерінің бірі қазірдің өзінде Қытайда басқа атпен сатылып жатыр. Бұған қоса дистрибьютор жаңартылған Tiggo 7 автокөлігі де жақында салондарға түсетінін өзінің Instagram желісіндегі парағында хабарлады.
Chery Tiggo 9 туралы не белгілі
Chery Tiggo 9 шетелде сатыла бастайтыны туралы мәлімет компанияның әлеуметтік желілердегі ресми арналарында жарияланды. Өндіруші жаңа модель туралы жиі қойылатын сауалдарға жауап беріп, жаңа кроссовер саудаға түсетін күн жақын екенін мәлімдеді.
Айта кетейік, Қытай нарығында бұл модель Tiggo 8L деп таныстырылған. Ал Tiggo 9 деген атпен Jaecoo J8-ге өте ұқсайтын түрі сатылып жатыр. Дегенмен машиналардың техникалық сипаты ұқсас: екеуі де Exeed RX үлгісіндегідей T2X платформасын пайдаланады.
Пішіні мен сипаты
Chery Tiggo 9 — мынадай басты сипатқа ие ірі кроссовер:
- Ұзындығы — 4 810 мм;
- Ені — 1 925 мм;
- Биіктігі — 1 741 мм;
- Дөңгелек базасы — 2 800 мм.
Салон жеті орынға шақталған (2+3+2). Сол себепті оны отбасына арналған SUV моделінің бәсекелесі деп қарастыруға болады.
Tiggo 9 Қазақстанда қуаты 249 ат күшіне ие екі литрлік бензин моторымен келуі мүмкін. Ол бір сәтте 375 Нм айнала алады. Мұның бәрін басқа да нарыққа тән стандартқа сай сипаттама деп білеміз.
Chery Tiggo 9 қанша тұрады
Әзірге кроссовер бағасына қатысты нақты мәлімет жоқ, шамалас құны ғана айтылады. Бірақ Tiggo 8 Pro Max моделінен әжептәуір қымбат болары анық. Көрші Ресейде 4,75 млн мен 5,05 млн рубль аралығындағы баға (27,2 млн — 28,9 млн теңге) айтылып жатыр.
Chery әлеуметтік желілерде компания «жаңа белестерді бағындырады» деп жазды, яғни баға саясаты өзгереді деп түсінген жөн.
Қазақстанда нақты қай күні саудаға түсетіні әзірге жарияланған жоқ. Бренд белсенді түрде жарнамаланып жатқанына қарағанда, жаңа кроссоверді 2025 жылғы көктемге күтеміз.
Бұған қоса, ресми дистрибьютордың желідегі парағында тағы бір модель саудаға түскелі жатқаны туралы мәлімет пайда блолды. Ол – жаңартылған, қалаға арналған Chery Tiggo 7 кроссовері.
Қазақстанда Chery жақсы сатылып жатыр
Осының алдында Kursiv.Media қытайлық BYD электромобиль өндіруші енді көліктерінің бәріне, тіпті арзандарына да жетілдірілген автономды басқару жүйесін енгізгелі жатқанын жазды. Автономды жүйе «Құдайдың көзі» деп аталады.
2025 жылғы қаңтарда Қазақстанда 700-ден аса Chery автомобилі сатылды. Бренд отандық автонарықта сатылу көрсеткіші бойынша төртінші орында тұр.
Сонымен бірге Қазақстанда қытай автомобильдерін, соның ішінде Chery құрастыратын зауыт биыл жазға дейін іске қосылады.
