Қазақстан қор биржасы (KASE) 2025 жылдың 3 наурызынан юаньмен есеп айырысатын (CNY) бағалы қағаздарды орналастыру, жазылу және жария ұсынуға мүмкіндік берді. Бұл жаңашылдық қазақстандық капитал нарығының дамуына оң ықпалын тигізіп, шетелдік және отандық инвесторларға жаңа мүмкіндіктер ашады.
«Инвесторларды тарту үшін бағалы қағаздар нарығына қатысушыларға қосымша мүмкіндік беру мақсатында бағалы қағаздарды орналастырудың жаңа тәртіптемелері енгізілді», – делінген хабарламада.
Қаржы нарығы үшін маңызы не
KASE-дің бұл шешімі Қазақстанның қаржы нарығында юаньмен жасалатын операциялардың рөлін арттырады. Соңғы жылдары қытай валютасының халықаралық маңызы артып, көптеген елдер сауда және инвестициялық операцияларда оны кеңінен қолдана бастады. Осыған байланысты, юаньмен есеп айырысудың енгізілуі қазақстандық компаниялар мен инвесторлар үшін өз капиталын әртараптандыруға қосымша мүмкіндік береді.
