Қазақстанда 2024 жылы халықаралық ақша аударымдары жүйесі (ХААЖ) арқылы жүргізілген транзакциялардың жалпы көлемі 1,05 трлн теңгені құрады. Бұл көрсеткіш 2023 жылмен салыстырғанда 21%-ға төмендеген.
Ұлттық банктің мәліметінше, барлық аударымдардың 97%-ы трансшекаралық операцияларға тиесілі, яғни Қазақстан мен шетел мемлекеттері арасындағы қаржы қозғалысын қамтиды.
Қазақстаннан шетелге жіберілген ақша көлемі
Шетелге жіберілген ақша аударымдарының жалпы көлемі – 789 млрд теңге, бұл ХААЖ арқылы жүргізілген барлық трансшекаралық операциялардың 77%-ын құрайды.
Қазақстаннан шетелге жасалған бір аударымның орташа сомасы – 373,6 мың теңге.
Аударымдарды қабылдаған негізгі елдер:
- Өзбекстан – 29,7%
- Ресей – 29,4%
- Түркия – 19,8%
- Грузия – 6,8%
- Қырғызстан – 3,7%
Бұл аударымдардың 83%-ы «Золотая Корона» жүйесі арқылы жүзеге асырылған.
Қазақстанға шетелден келген ақша көлемі
Шетелден Қазақстанға жіберілген ақша аударымдарының көлемі – 236,8 млрд теңге, бұл трансшекаралық аударымдардың 23%-ын құрайды.
• Ақша жіберілген негізгі елдер:
- Ресей – 26,1%
- АҚШ – 13,7%
- Оңтүстік Корея – 10,3%
- Өзбекстан – 10,0%
- Түркия – 8,6%
Қазақстанға келіп түскен аударымдардың 81%-ы «Золотая Корона» және «Western Union» төлем жүйелері арқылы жіберілген.
ХААЖ-дың ерекшелігі
Халықаралық ақша аударымдары жүйесі (ХААЖ) жеке тұлғалардың банктік шот ашпай-ақ ақша аударуына мүмкіндік береді. Негізінен, бұл жеке тұлғалар арасындағы өтеусіз аударымдар, яғни туыстар мен жақын адамдарға қаржылай көмек көрсету мақсатында жасалатын төлемдер.
