Қазақстанды қандай әйелдер басқарады

Қазақстан үкіметі мен парламентінде әйелдер саны артқан. Бұл туралы Мәдениет және ақпарат министрлігінің баспасөз қызметі хабарлады.
«2025 жылғы 1 қаңтардағы жағдай бойынша, мемлекеттік қызметтегі әйелдердің үлесі 55,8%-ға жетті. Басшылық лауазымдардағы әйелдердің жалпы үлесі – 39,1%-ды құрайды», – делінген министрлік хабарламасында.
Жалпы, елдегі 84 482 мемлекеттік қызметшінің 47 158-і әйелдер. Министрліктің мәліметінше, бүгінгі таңда Парламентте 28 әйел депутат бар. Мұндағы депутаттар санының 18,9%-ы екен. Ал елдегі қалалық мәслихаттарда әйелдердің үлесі –22,7%-ды құрайды. Барлық өңірлер бойынша 3 415 депутат болса, соның 774-і әйел.
Қазақстан бойынша 21 министрлік бар болса, оның ішінде денсаулық сақтау, еңбек және халықты әлеуметтік қорғау, мәдениет және ақпарат министрліктерін әйелдер басқарады. Сол министрліктерде 8 вице-министр, 3 аппарат басшысы – әйел.
Президентке тікелей бағынышты құрылымдарда және есеп беретін 14 мемлекеттік органда 6 әйел басшылық лауазымдарда қызмет атқарады.
Ал бүкіл Қазақстан бойынша би ретінде шешім шығарып жүрген 1248 судья әйел бар. Бұл жалпы елдегі судьялар үлесінің 53%-ы. Яғни Қазақстанда әйел судьялардың үлесі басым.