Маңғыстаулықтар Наурыз мейрамында Гиннес рекордын орнатуды жоспарлап отыр

Ақтауда 22 наурыз күні «Kazakh Record» атты ауқымды фестиваль өтеді. Өңір тұрғындары қазақтың ұлттық киімін киген 5000 адамды жинап, осы арқылы Гиннестің әлемдік рекордын орнатуды жоспарлап отыр.

Ұйымдастырушылар жетістікті ресми түрде тіркеп қана қоймай, Қазақстанның мәдени байлығын көрсетуді, дәстүрлердің сұлулығын айшықтап, қоғамды біріктіруді мақсат етеді.

«Kazakh Record» фестиваліне қатысу шарттары:
– 16 жастан асқан кез келген адам қатыса алады;
– Ресми сайтта тіркелу қажет;
– Бекітілген каталогқа сәйкес ұлттық киім дайындау керек.

Қатысушылар қайда жиналады

Тұрғындар 22 наурыз күні таңертең теңіз жағасындағы алаңда (15-шағын аудан, 68-үй) жиналады. Қауіпсіздік тексерісінен кейін, қатысушыларға арнайы білезік таратылады. 11:00 Гиннестің рекордтар кітабының өкілдері қатысатын ресми тіркеу басталады

Егер «Kazakh Record» фестивалінде барлық шарт орындалса, Қазақстан жаңа әлемдік рекордтың сертификатына ие болады.

Ұйымдастырушылар қала тұрғындары мен қонақтарын осы тарихи оқиғаның бір бөлігі болуға шақырады.

Биыл ел бойынша екінші жыл қатарынан Наурыз мейрамы жаңаша форматта тойланып жатыр.