Sergek компаниясы өткен жылдың статистикасына сүйене отырып, Алматы қаласындағы жолдардың жүктемесі Наурыз мерекесі кезінде айтарлықтай артатынын болжады.
2024 жылдың 20 наурызында қала көшелеріндегі көлік қозғалысының қарқындылығы 19-36%-ға артқан.
Ең үлкен өсім: Шығыс айналма жол учаскесінде – 36%, Әл-Фараби даңғылының шығыс бөлігінде – 31%
Дегенмен, көлік қозғалысының артуы күні бойы біркелкі таралып, қарбалас сағаттарда үлкен кептелістер тудырмаған.
Sergek ұсынатын кеңестер
- Маршрутты алдын ала жоспарлау
- Кешкі уақытта жолға кететін уақытты 15-20%-ға ұлғайту
- Қатты жүктелген уақыттарда жолға шықпауды қарастыру
- Қоғамдық көлікті пайдалануға немесе жақын маңда мерекелеуді таңдауға кеңес беріледі.
Наурыз мерекесі кезінде қала тұрғындары мен қонақтары көлік қозғалысының қарқындылығын ескеріп, сапарын алдын ала жоспарласа, ыңғайсыздықтың алдын алуға болады.
