Halyk Bank бір жылда 920 млрд теңге табыс тапты
Жарияланды
Halyk Bank 2024 жылы таза табысын 921 млрд теңгеге дейін жеткізді. Бұл жыл бұрынғы көрсеткіштен 32,8%-ға артық.
Қаржы мекемесінің есебін Астана халықаралық биржасы (AIX) жариялады.
Мәліметтерге қарағанда, банк табысы несие беру мен транзакцияны арттыру нәтижесінде көбейген.
Halyk Bank активтері бір жылда 3,05 трлн теңгеге артқан (19,7%). Бұған несие көрсеткішінің ұлғаюы әсер еткен. Бір жылда мұндай портфель 23,2% немесе 2,26 трлн теңгеге артып, 12,04 трлн теңгеге жеткен.
Жеке тұлғалардың банктегі депозиттері бір жылда 26,1% көбейіп, 6,06 трлн теңге болған. Азаматтардың банк шотындағы қаражат 11,5% көбейіп, 1,14 трлн теңгеге жеткен.
