
Қазақстандық нарыққа арналған Kia автокөліктерінде қазақ тіліндегі мәзірі пайда болды. Бұл туралы Kia брендінің Қазақстандағы ресми дистрибьюторы – Allur Motor Qazaqstan (Allur автокөлік компаниясының құрамында) хабарлады.
Мультимедиа жүйесінің мәзірін орнату жұмыстары қазірдің өзінде басталып кеткен. Қазақ тіліндегі мәзір ең алдымен Kia K5 бизнес-седанынан бастап енгізілуде.

«Бұл қадам қазақстандық клиенттердің қажеттіліктерін барынша қанағаттандыру үшін Kia автомобильдерін бейімдеу үдерісіндегі маңызды кезең болды. Қазақстанда шығарылатын Kia көліктеріне 5 жыл немесе 150 000 км жүріс кепілдігі беріледі»,–делінген хабарламада.
Kia Corporation компаниясының негізі 1944 жылы қаланған. Бүгінде Kia 190-нан астам елде жыл сайын шамамен 3 миллион автокөлік сатады.

Kia әлемдегі ең көп сатылған 10 автокөлік брендінің тізіміне енген. Аталған бренд 2019 302 көлік сатқан. Қазақстанда да айтарылқтай сұранысқа ие. Бүгінде ең көп сатылған 5 автокөлік брендінің ішінде Kia маркалы көліктер де бар.