Жас шахматшыларымыз әлем чемпионатында 4 алтын, 3 күміс және 1 қола медаль алды
Жас шахматшыларымыз әлем чемпионатында 4 алтын, 3 күміс және 1 қола медаль алды. Командалық есепте де көш бастады.
Сербия Врнячка-Баня қаласында өткен мектеп оқушылары арасындағы 2025 жылғы әлем чемпионатында Қазақстанның жас шахматшылары осындай жүлдеге қол жеткізді.
9 күнге созылған айқас
Абдул-Мәлік Қайрат, Алиша Бисалиева, Әлімжан Жауынбай және Артём Богданов Сербияда өткен жарыста чемпион атанды.
20-28 наурызда Врнячка-Банядағы Zepter Hotel Vrnjacka Banja қонақ үйінің конференц-залында әлем чемпионаты өтті. Оған 44 елден 470 жас өрендер қатысқан. Қазақстанның балалар-жасөспірімдер құрамасының бас жаттықтырушысы, гроссмейстер Евгений Владимиров баулыған 40 жас шахматшы 9 күн бойы күш сынасты.
Қазақстандық жас шахматшылар тамаша нәтижелер көрсетіп, бірнеше медаль жеңіп алды.
Кімдер көзге түсті?
Астаналық 7 жасар Абдул-Мәлік Қайрат бірінші болып чемпион атанды. Ол мәреге бір тур қалғанда чемпион болатынын анық көрсетіп, барлық 9 партияда жеңіске жетті. 9 жасқа дейінгілер санатында жерлесі Алиша Бисалиева соңғы турда жеңіс қажеттігін түсініп, қарсыласын жеңді, нәтижесінде чемпион атанды.
11 жасқа дейінгілер арасында Әлімжан Жауынбай жеке кездесуде тең ойын ұсынғанымен, 7 ұпаймен жеңіске жетті. Ал 17 жасқа дейінгілер санатында Артём Богданов жасы үлкен қарсыластарын жеңіп, 7 ұпай жинап, топ жарды.
Шахматшыларымыз жалпы командалық есепте 4 алтын медальмен көш бастады. Өзбекстан 3 алтын медальмен екінші орынға, ал Моңғолия 2 алтын, 1 күміс медальмен үшінші орынға орналасты.
Жас жеңімпаздар
U7: Абдул-Мәлік Қайрат – 9 ұпай
G7: Прагника Вака Лакшми – 9 ұпай
U9: Нұрислам Сұлтанхан – 7 ұпай
G9: Алиша Бисалиева – 8 ұпай
U11: Әлімжан Жауынбай – 7 ұпай
G11: Чинзориг Нандинжигуур – 8 ұпай
U13: Матфей Юрасов – 7½ ұпай
G13: Ханзада Аманжол – 6½ ұпай
U15: Глеб Щеглов – 8 ұпай
G15: Мәлика Жаппарбекова – 6½ ұпай
O17: Артём Богданов – 7 ұпай
G17: Батпелден Буянхишиг – 7½ ұпай
Осылайша, Қазақстан жас шахматшылары әлемдік деңгейде үлкен жетістікке жетті.
Бразилияда шахматтан өткен әлем чемпионатында қазақстандық жасөспірімдер тек қана күміс пен қола иеленген еді.
