Сингапур Қазақстанға деректерді өңдеу орталықтарын құруға көмектеседі
Сингапурлық GK Hyperscale Ltd компаниясы Ақмола және Қарағанды облыстарында қуаты 200 МВт болатын екі деректерді өңдеу орталығының (ДӨО) құрылысына қатысады. Бұл туралы Қазақстанның Цифрлық даму, инновациялар және аэроғарыш өнеркәсібі министрлігі хабарлады.
Министр Жаслан Мәдиев бұл жобаны AlmatyFair.ai көрмесінде Қазақстан президенті Қасым-Жомарт Тоқаевқа және Өзбекстан президенті Шавкат Мирзиёевке таныстырды.
«Осындай ауқымды жасанды интеллект (ЖИ) жобаларын іске асыру үшін жоғары есептеу қуаты қажет. Осыған байланысты Қазақстанда қуаты 200 МВт болатын екі ірі деректерді өңдеу орталығы салынады. Олар Ақмола және Қарағанды облыстарында орналасады. Жобаны жүзеге асыруға Сингапурдың GK Hyperscale Ltd компаниясы қатысады», – делінген министрліктің ресми хабарламасында.
Бұған дейін ДӨО құрылысына 1,5 млрд доллар инвестиция салынатыны айтылған. Орталықтарда 360-тан астам маман жұмыс істейді. Табыс көзінің 50%-дан астамы экспорттық келісімшарттардан түседі. Сонымен қатар, 1,2 млрд доллар электр станциясын жаңғыртуға, жел электр паркі мен энергия сақтау жүйесін салуға жұмсалады. ДӨО құрылысы 2026 жылдың бірінші тоқсанында басталып, алғашқы модуль 2027 жылы іске қосылады.
ЖИ жобалары және халықаралық ынтымақтастық
Орталықтардың қуаты түрлі цифрлық жобаларды қолдауға бағытталады. Атап айтқанда, alem.ai халықаралық жасанды интеллект орталығында Tomorrow School Junior (9-11 сынып оқушыларына арналған білім беру орталығы) және 01Edu System негізіндегі Tomorrow School (peer-to-peer әдісімен ЖИ мамандарын даярлау мектебі) іске қосылады.
Сонымен қатар, ДӨО-да ЖИ стартап кампусы, инкубациялық және акселерациялық бағдарламалар қатысушылары, сондай-ақ ірі технологиялық компаниялардың ЖИ және R&D орталықтары орналаспақ.
Жаслан Мәдиевтің айтуынша, alem.ai Қазақстандағы ЖИ саласындағы зерттеулер, стартаптар мен халықаралық әріптестікті дамытуға арналған басты алаңға айналады. Бұл жоба қазақстандық ЖИ шешімдерінің экспортын арттыруға, жаңа технологиялық және экономикалық серпін беруге және Астананы өңірдің зияткерлік орталығына айналдыруға мүмкіндік береді.
Президенттерге ұлттық ЖИ платформасы таныстырылып, оның бағдарламалау дағдыларынсыз ЖИ ассистенттерін жасауға мүмкіндік беретіні көрсетілді. Сондай-ақ, әлеуметтік әмиян арқылы мемлекеттік қызметтер мен әлеуметтік қолдау шараларын алу жолдары көрсетілді.
AI People және халықаралық нарыққа шығу
AI People – әлемдегі ең ірі ЖИ бағдарламасы аясында 2025 жылы Орталық Азияда 60 мың адам оқытылады. Ал AI Kyzmet бастамасы шеңберінде қазақстандық мемлекеттік қызметшілер үшін ЖИ сертификаттау бағдарламасы әзірленіп, оны мемлекеттік органдармен бірлесіп жүзеге асыру жоспарланып отыр.
Көрме барысында Қазақстан мен Өзбекстанның IT-компанияларының халықаралық нарыққа шығуы туралы меморандумға қол қойылды. 2025 жылы бұл компаниялар жетекші халықаралық форумдарға қатысып, БАӘ мен Қытайда хабтар ашады.
Ал 2030 жылға қарай 8+ «юникорндар» стартаптары (құны $1 млрд-тан асатын технологиялық компаниялар) құрылып, технологиялар экспорты $10 млрд-қа дейін өседі деп күтілуде.
Айта кетейік, 29 наурызда Қазақстан президенті Қасым-Жомарт Тоқаев пен Өзбекстан Президенті Шавкат Мирзиёевтің Алматыда өтіп жатқан бейресми кездесуінде көрмеде болды.
