«Бәйтерекке» тиесілі «ҚазАгроФинанс» нарықтан 200 млрд қарыз алады

Аграрлық несие корпорациясының лизингтік еншілес компаниясы – «ҚазАгроФинанс» – жалпы көлемі 200 млрд теңге болатын төртінші облигациялық бағдарлама туралы хабарлады. Бұл ақпарат Қазақстан қор биржасының (KASE) сайтында жарияланған.

Облигациялық қарыз көлемі компанияның меншікті капиталының 99,8%-ына тең екені көрсетілген. Бұл капитал 200,48 млрд теңгені құрайды. Компания облигацияларды әрқайсысы 50 млрд теңгеден төрт бірдей шығарылымға бөлуді жоспарлап отыр.

Облигациялар шығарудың себептері туралы «ҚазАгроФинанс» ақпарат берген жоқ. Kursiv.Media бұл жөнінде сұрау жібергенімен, материал жарияланған сәтке дейін жауап алынбаған.

2025 жылғы 26 наурызда «ҚазАгроФинанс» «Қазақстанда жасалған» жеңілдікті лизинг бағдарламасын қайта іске қосатынын хабарлады. Бұл бағдарлама алғаш рет 2020 жылдың сәуірінде іске қосылған және фермерлерге отандық ауыл шаруашылығы техникасын 6% жылдық мөлшерлемемен алуға мүмкіндік береді.

«ҚазАгроФинанс» Аграрлық несие корпорациясы арқылы «Бәйтерек» холдингіне тиесілі. Бұған дейін Kursiv.Media компанияның 2024 жылдың бірінші жартыжылдығындағы таза пайдасы өткен жылдың сәйкес кезеңімен салыстырғанда 1,8 есе азайып, 11,2 млрд теңгеден 6,2 млрд теңгеге дейін қысқарғанын хабарлаған.