Кремль КҚК айлағының уақытша жабылуын дрондар шабуылымен байланыстырды

Ресей президентінің баспасөз хатшысы Дмитрий Песков Новороссийскідеге мұнай айлағының үш айға жабылу себебін Каспий құбыр желісі консорциумына (КҚК) жасалған шабуыл салдарымен түсіндірді.

Осының алдында «Транснефть» мұның себебін Керчь бұғазында танкердің апатқа ұшырауымен байланыстырған.

Журналистер мұнай құятын айлаққа қатысты сауалды Песковқа қойған.

«Бұл украин дрондарының КҚК инфрақұрылымдарына жасаған шабуылдарының салдарына байланысты. Өте қатты бүлінгенін естен шығаруға болмайды. Өкінішке қарай, бүкіл жүйенің жұмыс істеу қабілетіне кері әсер етеді», – деп мәлімдеген Песков.

Бұның алдында консорциумда танкерлерді жағажайдан қашықтан босатататын үш нысанның екеуі жөндеуге жабылған. Алайда оған Ресей федералдық көлік бақылау қызметінің тексеруі себеп болған. Содан кейін Новороссийскідегі теңіз портындағы айлақтардың бірінің жұмысы 90 күнге тоқтағаны мәлім болған.

Қазақстанның экспортқа шығатын мұнайының 80% дәл осы КҚК арқылы өтеді.

Ресейдің «Коммерсантъ» басылымы дереккөздерінің айтуынша, Теңіз терминалындағы нысандарды жөндеу бірнеше айға созылады.

Сарапшы нысандар бес күнде қосылмаса, Қазақстан мұнай өндірісі кем дегенде 50%-ға төмендеуі мүмкін екенін ескертті.