Қарыз сомасы 75 млн теңге. Елде жаңа ипотекалық бағдарлама іске қосылады
7 сәуірден бастап «Орда Аймақ» жаңа ипотекалық бағдарламасы іске қосылады. Бұл туралы Қазақстандық тұрғын үй компаниясы хабарлады.
Қандай үйлерді алуға болады
Бағдарлама үлескерлік құрылыс шарты аясында Қазақстандық тұрғын үй компаниясы кепілдік берген тұрғын үйден пәтер сатып алуға мүмкіндік береді.
КТҮК кепілдігі деген не
Бұл үлескердің инвестициясы қорғалатынын білдіреді. Яғни құрылыс аяқталмаса немесе құрылыс салушы банкротқа ұшыраса, КТҮК үй құрылысын аяқтауға міндеттеледі
Бағдарлама шарттары
- Қарыз сомасы – 1-ден 75 млн теңгеге дейін;
- Қарыз мерзімі – 12 айдан 240 айға дейін;
- Бастапқы жарна – сатып алынатын тұрғын үй құнының 20%-ынан бастап;
- Сыйақы мөлшерлемесі – жылдық 15,9% (СЖТМ 17,26% бастап 22,81% дейін);
- Қарыз алушының жасы – 21 жастан бастап.
Кепілге не жарайды
Бағдарлама бойынша өтінім берушінің атында үй болуына рұқсат етілген. Тіпті оны кепілге қоюға болады. Кепіл ретінде Астанада, республикалық маңызы бар қалаларда, облыс орталығында орналасқан пәтер мен жер учаскесі бар жер үй жарайды.
Жылжымайтын мүлікті пайдалану мерзімі өтінім берілген күні 50 жылдан (Алматы қаласы үшін 60 жылдан) аспауға тиіс.
Жеңіл конструкциялардан құрылған (рамалық-қамыс, саман және т.б.) тұрғын үй кепілге алынбайды.
2000-ші жылдан кейін салынған таунхаустардан басқа, 3 гектардан аз жер учаскесі бар жылжымайтын мүлік кепілге алынбайды.
Пәтер алу қадамдары
- Пәтерді таңдау;
- «Отбасы банк» агентінің бөлімшесінде қажетті құжаттарды ұсына отырып өтінім беру, өтінім бойынша шешім күту;
- Банктік Қарыз шартын және Кепіл шартын жасасу;
Қарыз беру Кепіл шарты уәкілетті орган тіркегеннен кейін жүзеге асырылады.
Бұған дейін, нарықта бар ипотекалық бағдарламаларды тізіп шыққан болатынбыз.
