Атыңызға қанша SIM-карта тіркелгенін қалай білуге болады
Жарияланды

EGov мобильдік қосымшасында жаңа қызмет іске қосылды. Енді атыңыз бен құрылғыңызда қанша SIM-карта тіркелгенін білуге болады.
Жаңа функция eGov mobile қосымшасының танымал қызметтер бетінде тұр.
Солардың ішінен «Абонеттік құрылғының IMEI-ін тексеру» дегенді таңдау керек.
Ішіне кірген соң үш қызмет ұсынылады:
- IMEI тексеру – құрылғының IMEI тіркеуін тексеру;
- ЖСН бойынша тексеру – ЖСН бойынша тіркелген нөмірлерді тексеру;
- IMEI бойынша абоненттер – осы құрылғына тіркелген нөмірлер санын тексеру.
Өзіңізге керек ақпаратты білу үшін жоғарыдағы үш қызметтің бірін таңдап, ЖСН немесе құрылғының IMEI нөмірін енгізу қажет.
Сервис атыңызға тіркелген нөмірлердің қай операторға тиесілі екенін әрі санын шығарып береді. Нақты нөмірді көрсетпейді.
Бұған дейін, цифрлық даму министрі көп SIM-картасы бар қазақстандықтар тексерілуі мүмкін екенін айтқан.