«Мәңгілік Бэтмен» фильмінің жұлдызы Вэл Килмер қайтыс болды

Жарияланды
General news бөлімінің тілшісі
«Мәңгілік Бэтмен» фильмінің жұлдызы Вэл Килмер қайтыс болды
«Мәңгілік Бэтмен» фильмінің жұлдызы Вэл Килмер қайтыс болды/Фото: Mark Humphrey/ The AP

Лос-Анджелесте Голливуд жұлдызы Вэл Килмер қайтыс болды. 65 жастағы актердің өліміне пневмония себеп болған, деп жазады New York Times.

Вэл Килмер 1959 жылы 31 желтоқсанда Лос-Анджелесте орта тап өкілдерінің отбасында дүниеге келген. 17 жасында Нью-Йорктегі беделді Джульярд мектебіне түсіп, сол кездегі академияның ең жас студенттерінің бірі атанған.

Килмер кинодағы мансабын 1984 жылы бастаған. Ол ағайынды Джим Абрахамс пен Цукерлердің «Мүлдем құпия!» пародиялық комедиясында басты рөлді сомдап, Шығыс Германиядағы фестивальде өнер көрсететін америкалық рок-әншінің рөлін ойнаған.

Килмер 1988 жылы «Уиллоу» фэнтези фильмінің түсірілімі кезінде британдық актриса Джоан Уоллимен танысып, сол жылы екеуі шаңырақ көтерген. Алайда 1996 жылы ажырасып кетті Жұлдыөды жұптың екі баласы бар.

Ол Оливер Стоунның «The Doors» (1991) фильмінде Джим Моррисонды, Джоэл Шумахердің «Мәңгілік Бэтмен» (1995) картинасында Бэтмен/Брюс Уэйнді, «Үздік ұшқыш» (1986) және «Top Gun: Maverick» (2022) фильмдерінде Том «Айсмэн» Казанскиді сомдаған. «Мәңгілік Бэтмен» актердің ең табысты фильмдерінің бірі саналады.

Вэл Килмерге 2014 жылы көмей обыры диагнозы қойылып, емнен кейін жағдайы айтарлықтай жақсарған.

Актердің қатысуымен үлкен экранға шыққан соңғы картина «Топ Ган: Мэверик» фильмі.

Сондай-ақ оқыңыз