Германия соғысқа дайындалып, қорғанысқа миллиардтаған еуро жұмсамақ
Германия соғысқа дайындалып, қорғанысқа миллиардтаған еуро жұмсамақ. Бұл туралы BBC хабарлады.
Германияның Мюнстер қаласының маңында әскери жаттығулар тоқтаусыз жүргізіліп жатыр. Қатты дауыс пен жарылыстар тұрғындар үшін үйреншікті жағдайға айналған. Алайда жақын арада бұл аймақтағы шу одан әрі күшеюі мүмкін.
Себебі Германия Қарулы Күштері — Бундесвер — қорғанысқа бөлінетін қаражатты айтарлықтай арттырмақ. Бас штаб бастығы генерал Карстен Бройер BBC-ге берген сұхбатында:
«Ресей бізге қауіп төндіріп тұр. Путин қауіп төндіреді. Біз бұл қатерді болдырмау үшін қолдан келгеннің бәрін жасауымыз керек», — деді.
Генерал НАТО-ға келесі төрт жыл ішінде ықтимал шабуылға дайын болу қажет екенін ескертті.
«Мәселе менің қанша уақыт қажет ететінімде емес, Путин бізге дайындыққа қанша уақыт береді — соған байланысты. Неғұрлым ерте дайындалсақ, соғұрлым жақсы», — деді генерал.
Бұл мәлімдемелер Германия қоғамында да, саясатында да жаңа толқулар туғызып отыр. Жуырда жүргізілген YouGov сауалнамасына сәйкес, немістердің 79%-ы Ресей президенті Владимир Путинді Еуропаның бейбітшілігі мен қауіпсіздігіне қауіпті деп санайды. Ал сол сауалнамада 74% адам АҚШ-тың бұрынғы президенті Дональд Трамптан да осындай деңгейдегі қатер көреді.
Бұл көрсеткіштер Мюнхенде АҚШ вице-президенті Джей Ди Вэнстің Еуропа мен оның құндылықтарын сынаған баяндамасынан кейін тіркелді.
Сарапшы Маркус Цинер:
«Бұл – АҚШ-та түбегейлі өзгерістер болғанының анық белгісі», — дейді.
Ол сондай-ақ Еуропаның АҚШ-қа қорғаныс жағынан бұрынғыдай сенім арта алмайтынын мойындады:
«Америка бізді 100% қорғайды деген сенім енді жоқ», — дейді сарапшы.
Еске сала кетейік, бұған дейін ЕуроОдақ тұрғындарға соғыс қауіпіне байланысты азық-түлік жинауды ұсынды.
