5 сәуірге дейін тіркелмеген мопедтер айыптұраққа қойылады

Жарияланды
General News бөлімінің тілшісі
мопед
5 сәуірге дейін тіркелмеген мопедтер айыптұраққа қойылады / коллаж: kursiv.media

ҚР Ішкі істер министрінің орынбасары Игорь Лепеха еліміздегі мопед иелерін 5 сәуірге дейін тіркеуге шақырды. Оның айтуынша, бұл талапты орындамаған азаматтардың көлік құралдары айыптұраққа қойылады.

«Уақыт аз қалды»

«4 сәуірге дейін аз ғана уақыт қалды. Тіркелгісі келетіндердің бәрін қабылдау үшін арнайы халыққа қызмет көрсету орталықтарының жұмыс уақытын ұзартуды сұрадық, . Өйткені осы мерзімнен кейін олар заңды түрде жолға шыға алмайды», – деді Лепеха.

Заңсыз жүрген мопедтер айыптұраққа қойылады

«Егер азаматтар тіркеусіз жолға шықса – көліктері айыптұраққа қойылады. «Орын жетпей қалмай ма?» деген сұрақ туындаса – алаңдамаңыздар, орын табылады», – деді ол.

Елімізде қанша мопед бар – нақты сан белгісіз

Игорь Лепеханың айтуынша, қазіргі таңда Қазақстанда тіркелген мопедтер саны 18 200-ге жеткен. Алматыда – шамамен 5000 мопед тіркелсе, Астанада бұл көрсеткіш әлі мыңға жетпейді.

«Өткен жылы осы санаттағы жүргізуші куәлігін 22 мың адам алды, биыл 2500-і алды. Бірақ олардың барлығы мопед мінбейді, тек куәлік алып қойғандар да бар», – деді Лепеха.

Айта кетейік, бұған дейін мопедтерді тіркеу үшін қандай құжаттар керектігі туралы жазған едік.

Сондай-ақ оқыңыз